Il-filmat li ġie leaked ma rajtux u ma kellux jiġi leaked pero’ segwejt is-seduti tal-Qorti fuq in-news portals u f’moħħi nemmen li s-sitwazzjoni tal-ġlieda tal-Ħamrun nqalgħet minħabba l-mod maledukat u goff li bih ġab ruħu wieħed mil-pulizija. Daqxejn ta’ guvnot għadu lanqas beda d-dinja.
The Times
Jekk bniedem li kien ipparkjat ħażin kien ġej ineħħi l-karozza minn jeddu u meta talbu l-liċenzja mar iġibielu bla problemi xi bżonn kien hemm ikellmu bl-os**a u kliem oxxen?
Dawn xi ksuħat huma? Din x’ ħamalaġni hi?
Dan xieraq fil-Korp tal-Pulizija?
Pulizija jgħajjeb lil bniedem waqt li qed jagħtih ċitazzjoni. Dawn lanqas f’ta’ Tom & Jerry ma tismagħhom.
U jgħidlu kemm int avukat tajjeb għax fetaħlu l-bagoll?
Kif ma jistħix jilbes l-uniformi? Dan x’diskors hu?
Mhux bilfors dak li jkun jirvilla mbagħad provokazzjoni bħal dik!
Kieku l-Pulizija ma tkessaħx ma kien jinqala’ xejn. U nispera li jitkeċċa mil-Korp.
Il-Korp m’għandux bżonn mbarazz din l-kwalita’. Hija ħasra li l-Kummissarju jagħmel sforz biex itejjeb l-Korp biex mbagħad ikollok elementi bħal dawn li jġibu dell ikrah fuq l-Korp kollu.
Min mhux postu fil-Korp jagħmel l-wisa’ ghax minħabba fih jieħu isem ħażin l-Korp kollu u dan mhux sewwa għax fil-Korp hemm ħafna tajjeb.
Infakkar ukoll li lili personali minħabba żewġ kummenti bagħtu għalija tal-Major Crimes.
Anke dik esaġerazzjoni minn naħa tal-Korp.
Nagħlaq billi nuri l-apprezzament lejn il-membri tal-Korp tal-Pulizija, li l-maġġoranza assoluta tagħhom qed iwettqu xogħol eżemplari.
